३२ असार, काठमाडौँ। प्रजनन सेवा प्रदान गर्दै आएको एञ्जल फर्टिलिटी क्लिनिकले आफुहरु कुनै गैरकानुनी तथा अनैतिक कार्यम संलग्न नरहेको भन्दै सार्वजनिक केहि सञ्चार माध्यमका समाचारको खण्डन गरेको छ । बुधबार एक सन्देश जारी गर्दै एञ्जल फर्टिलिटी क्लिनिकले केही सञ्चार माध्यमहरूमा आएका समाचारहरूमाथि स्पष्ट पार्न चाहेको भन्दै नाबालिग किशोरीको अण्डा संकलन जस्तो अनैतिक कार्यमा आफुहरु कसैको संलग्नता नरहेको बताएको छ ।  गलत ढंगले एञ्जल फर्टिलिटी क्लिनिक र आफ्ना एक कर्मचारीलाई अर्को फर्टिलिटी क्लिनिकसँग सम्बन्धित अनुसन्धानमा जोडेको भनेर समाचारमा उल्लेख भएको प्रति क्लनिकले गम्भीर ध्यानाकर्षण भएको जनाएको छ ।  समाचारमा हाम्रा एक कर्मचारीले नाबालिग किशोरीहरूलाई अण्डा दाताको रूपमा भर्ती गराएको आरोप लगाइएको छ, जुन पूर्ण रूपमा निराधार र असत्य रहेको पनि क्लिनिकले स्पष्ट पारेको छ ।

समाचारमा उल्लेखित यी आरोपहरू कुनै प्रमाण वा तथ्यमा आधारित नभएको र एञ्जल फर्टिलिटी क्लिनिक र यहाँका कर्मचारीहरूको उक्त घटनासँग कुनै पनि प्रकारको संलग्नता नरहेको भन्दै एञ्जल फर्टिलिटीले अर्कै सस्था र फरक व्यक्तिलाई जोडेर यसरी आफुहरुको सस्थाको नाम बद्नाम गर्ने दुराशययुक्त समाचार प्रकाशन तथा प्रशारण भएकोप्रति आपत्ती समेत जनाएको छ । समाचारमा उल्लेख गरिएका पीडित वा अन्य व्यक्तिहरू आफ्नो क्लिनिकमा नआएको र यस कार्यमा आफुहरुको चिकित्सक तथा व्यवस्थापन टिमका सदस्यहरुको कुनै किसिमले संलग्न नभएको उल्लेख गरेको छ।

सन्देशमा एञ्जल फर्टिलिटी क्लिनिक एउटा प्रतिष्ठित संस्था रहेको, जसले सधैं उच्च नैतिक मूल्य, कानुनी दायित्व र बिरामीको हितलाई पहिलो प्राथमिकतामा राखेर सेवा दिँदै आएको उल्लेख छ। आफुहरु नाबालिगसँग सम्बन्धित कुनै पनि गैरकानुनी, अनैतिक वा निन्दनीय कार्यको कडा शब्दमा विरोध र निन्दा गर्ने भन्दै क्लिनिकले कानुनको पालना र सबैको कल्याण सुनिश्चित गर्न आफुहरुको प्रतिबद्धता दृढ रहेको बताएको छ।

एञ्जल फर्टिलिटीले आफ्ना सेवा ग्राही तथा सर्वसाधरणहरुलाई यस प्रकारको भ्रामक समाचारले चिन्ता उत्पन्न गराएको प्रति दु:ख व्यक्त गर्दै आफ्नो सेवा ग्राही र सर्वसाधरणहरुलाई यस्ता भ्रामक तथा तथ्यहिन समाचारमाथि विश्वास नगर्न आग्रह गर्दै आफुहरु उत्कृष्ट र नैतिक प्रजनन सेवा प्रदान गर्न पूर्ण रूपमा समर्पित रहेको बताएको छ । साथै क्लिनिकले गलत समाचारहरूको वास्तविकता पत्ता लगाउन र सच्याउन सम्बन्धित समाचारगृह तथा सरोकारवाला निकाय र व्यक्तिहरूसँग  सम्पर्क गरिसकेको जनाएको छ ।

स्वास्थ्य जस्तो गम्भीर र संवेदनशील विषयमा कुनै पनि सामग्री प्रकाशन गर्नु अघि यस्ता संवेदनशील विषयहरूबारे तथ्य पुष्टि र आवश्यक अनुसन्धान अनिवार्य रूपमा गर्न समेत क्लिनिकले सबे सञ्चार माध्यमहरुलाई अनुरोध गरेको छ । कुनै पनि गैरकानुनी काम गर्ने सस्था वा व्यक्तिले कानुनी सजाय पाउनु पर्ने स्मरण गरार्दै क्लिनिकले आफुहरुसँग कुनै पनि कोणबाट सम्बन्धित नभएको बिषयमा जोडिएर आउने समाचार र यस्ता त्रुटीले सस्थाको बद्नाम हुने, सर्वसाधरणलाई भ्रम पर्ने त छँदै छ समाचार र सञ्चार सस्थाको समेत विश्वसनियतामा प्रश्न उठ्ने भन्दै सत्य तथ्यमा आधारित  भएर मात्र समाचार सार्वजनिक गर्न आग्राह गरेको छ ।