२९ कार्तिक, काठमाडौं – निडर स्वभाव भएका एआइजी डा. मनोज कुमार केसी केन्द्रीय अनुसन्धान ब्युरो (सीआईबी)को प्रमुखको भूमिकामा धमाधम ‘हाइपोफाइल’ अपराधीहरुलाई पक्राउ गर्न थालेका छन्। यसअघि सरकार र सत्ताको आडमा आपराधिक गतिविधि गर्नेहरूलाई कानुनी दायरामा ल्याउन थालेका हुन्।

उनले केन्द्रीय अनुसन्धान ब्युरो (सीआईबी) को प्रमुखका रूपमा असोज ५ गते कार्यभार सम्हाल्नेपछि एक एक गरी वर्षौँदेखि थन्किएका फाइल खोल्न थालेका छन्। यसअघि पनि उनी नक्कली भुटानी शरणार्थी प्रकरणमा संलग्न व्यक्तिहरूलाई कानुनी दायरा लाएर चर्चामा आएका थिए। भुटानी शरणार्थी प्रकरणमा अनुसन्धान बढाएकाले नै त्यसबेला उनी सरुवा समेत भएका थिए।

केसीलाई नेपाल प्रहरीभित्र ‘कम बोलेर परिणाम दिने’ शैलीको अधिकारीको रूपमा चिनिन्छ। पछिल्लो समयमा केसीले प्रभु ग्रुप र प्रभु बैंकका पूर्व अध्यक्ष समेत रहेका देवी प्रकाश भट्टचन, नेपाल ट्रस्ट कार्यालय प्रकरणमा पूर्व सह सचिव लेख बहादुर कार्की लगायतलाई पक्राउ गरिसकेका छन् । साथै, नक्कली भुटानी शरणार्थी प्रकरणमा ठगी कसुरमा संकलन भएको नगद तथा चेक मार्फतको कारोबार गर्ने निराजन भन्ने निरञ्जन कुमार खरेललाई पक्राउ गरिसकेका छन्।

यसअघि सरकारको आडमा रहेर छानबिन र अनुसन्धानको दायराभन्दा बाहिर रहेका भट्टचन पक्राउ परेर सीआईबीले १५ दिन थुनामा राखेको छ । उनी नेकपा एमालेका संसद्का साथै, पूर्व प्रधानमन्त्री केपी शर्मा ओलीका प्रिय पात्र थिए । तर, अब ओलीको सरकार छैन, जसले गर्दा अनुसन्धान प्रक्रियामा सहज हुने आकंलन छ । यो समय राजनीतिकका आडमा अपराधी गर्ने व्यक्तिहरूलाई अनुसन्धान गर्न हुने समय बनेको छ । यद्यपि, उनी छानबिन सकेर थुनामुक्त भइसकेका छन्।

यसअघि केसीले काठमाडौं प्रहरी वृत्तको प्रमुख रहेको बेलामा पूर्व मन्त्री बालकृष्ण खाणलाई पक्राउ गरेका थिए । उनले भुटानी शरणार्थी प्रकरणमा खाणलाई पक्राउ गर्ने क्रममा ३ जना सहकर्मीसहित घरमै पुगेर हिरासतमा लिएर मात्रै माथिल्लो तहलाई जानकारी गराएका थिए। साथै, केसीले तत्कालीन गृहसचिव एकनारायण अर्याल र प्रहरी महानिरीक्षक (आईजीपी) वसन्तबहादुर कुँवर देशबाहिर गएको अवस्थामा बेचन झा लगायतलाई समेत पक्राउ गरेका थिए।

साथै, केसी सीआइबीमा प्रमुखका रूपमा आएपछि सुन तस्करी प्रकरणको मुद्दामा पूर्व सभामुख कृष्णबहादुर महरा पक्राउ परे। निडर प्रहरीका रूपमा चिनिँदै आएका केसीले गत ११ गते भट्टचनलाई पनि पक्राउ गरेका थिए।