मंसिर १२, काठमाडौं— राष्ट्रिय स्वतन्त्र पार्टी (रास्वपा) केन्द्रीय समितिको आज साँझ बसेको विशेष भर्चुअल बैठकले विवेकशील साझा पार्टीसँग औपचारिक एकीकरण प्रक्रिया अघि बढाउन निर्णय गरेको छ। विवेकशील साझा पार्टीद्वारा रास्वपासँग एकीकरण गर्ने उद्देश्यसहित पेश गरिएको सर्वसम्मत प्रस्तावलाई बैठकले सहर्ष स्वागत गर्दै मङ्सिर १४ गते राष्ट्रिय सभागृहमा ‘एकता घोषणासभा’ आयोजना गर्ने भएको हो।
रास्वपाले सो घोषणासभालाई ऐतिहासिक बहस तथा सहकार्यको नयाँ अध्यायको रूपमा लिएको बताएको छ। “सुधार, पारदर्शिता र सुशासनमा जोड दिने दुवै राजनीतिक शक्तिको मिले-जुले प्रयासले देशमा नयाँ आशा सिर्जना गर्नेछ,” बैठकपछि जारी विज्ञप्तिमा उल्लेख छ।
त्यसैगरी, बैठकले विभिन्न सुधारमूलक तथा परिवर्तनकामी राजनीतिक शक्तिसँग संवाद र सहकार्यलाई अझ निष्पक्ष र प्रभावकारी बनाउने उद्देश्यले ‘सङ्घीय नेतृत्व मञ्च (Federal Leadership Forum)’ लाई आधिकारिक मान्यता दिएको छ। यो संयन्त्र रास्वपाको ‘उच्च संवाद समिति’ को संरचनाअन्तर्गत सञ्चालन हुनेछ।
रास्वपाको केन्द्रीय समितिले गत २०८२ मङ्सिर ३ गते दिएको निर्देशनअनुसार पार्टी सचिवालयले तयार गरेको यो संरचनाले मुद्दागत अन्तरक्रिया, सहकार्यका नयाँ ढाँचा तथा राजनीतिक समन्वयलाई थप सुदृढ बनाउने पार्टीको विश्वास छ।
रास्वपाका अनुसार एकता तथा सहकार्यका यी पहलहरू देशमा असल शासन, दिगो विकास र राजनीतिक संस्कारको उन्नतिलाई लक्षित गरी अघि बढाइएका हुन्।
यहाँ प्रकाशित समाचारमा तपाईंको सुझाव वा प्रतिक्रिया भए हामीलाई [email protected] मा इमेल गर्न सक्नुहुनेछ । आफ्नो विचार वा विश्लेषण सहितका सृजनात्मक लेख/रचना, पाठकपत्र पनि माथि उल्लेखित इमेलमा पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
