दरबार हत्याकाण्ड पुनः छानबिन गृहमन्त्री सुधन गुरुङका लागि चुनौतीपूर्ण परीक्षा
काठमाडौं– नारायणहिटी दरबार हत्याकाण्ड भएको २५ वर्ष बितिसक्दा पनि यसको सत्यतथ्यबारे बहस र जिज्ञासा कायम छ। तत्कालीन छानबिन समितिले युवराज दीपेन्द्र शाहलाई घटनाको मुख्य जिम्मेवार ठहर गरे पनि प्रतिवेदनमाथि विभिन्न प्रश्न र शंका समय–समयमा उठ्दै आएका छन्।
यही सन्दर्भमा पुनर्नियुक्ति भएर दोस्रो कार्यकाल सुरु गरेका गृहमन्त्री सुधन गुरुङले पुराना र चर्चित घटनाका अनुसन्धान फाइल अघि बढाउने प्रतिबद्धता व्यक्त गरेका छन्। दरबार हत्याकाण्डको फाइल पुनः खोल्ने विषय पनि सार्वजनिक बहसमा आएसँगै यो मुद्दा गृहमन्त्री गुरुङका लागि ठूलो राजनीतिक तथा प्रशासनिक चुनौतीका रूपमा हेरिएको छ।
२५ वर्ष पुरानो संवेदनशील घटनाको पुनः अनुसन्धान अघि बढाउने निर्णय भए त्यसले राजनीतिक, कानुनी र सामाजिक तहमा व्यापक बहस निम्त्याउने निश्चित छ। त्यसैले दरबार हत्याकाण्डको पुनः छानबिन गर्ने वा नगर्ने विषय गृहमन्त्री गुरुङको कार्यकालको सबैभन्दा कठिन परीक्षामध्ये एक बन्न सक्ने विश्लेषण भइरहेको छ।
यहाँ प्रकाशित समाचारमा तपाईंको सुझाव वा प्रतिक्रिया भए हामीलाई [email protected] मा इमेल गर्न सक्नुहुनेछ । आफ्नो विचार वा विश्लेषण सहितका सृजनात्मक लेख/रचना, पाठकपत्र पनि माथि उल्लेखित इमेलमा पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
