काठमाडौं । साहित्यकार हेम प्रभासको कविता संग्रह ‘साँझमा सेल्फी’ लोकार्पण भएको छ।
राष्ट्रिय नाचघर जमलमा बिहीबार कवि डा. नवराज लम्साल र श्रवण मुकारुङ, कलाकार सरोज खनाल, प्रकाशक पुष्पराज पौडेल तथा हेम स्वयंले संयुक्त रूपमा पुस्तकको लोकार्पण गरेका हुन् ।
कवि ठाकुर बेलवासे, सोझो गाउँले, रिमा केसी, राजनीतिक विश्लेषक शंकर तिवारी तथा गायक संगीतकार सन्तोष श्रेष्ठले कविता वाचन गरे । कलाकार खनालले कविता संग्रहमा रहेको कवितामाथि नाट्य प्रस्तुति गरे । कवि मुकारुङले कविता कृतिबाट धेरै आशा गरेको बताए ।
कवि डा. लम्सालले कवितामाथि समीक्षा गर्दै कवि हेमप्रभासलाई सफलताको शुभकामना दिए । सबै कविता उत्कृष्ट रहेको र किताब सबैका लागि उपयोगी हुने उनको भनाइ थियो ।
कवि हेमले दुई दशकदेखि कवितामा साधनारत रहेको भन्दै सोही साधनाको प्रतिफल नै ‘साँझमा सेल्फी’ भएको बताए ।
संग्रह पछिल्लो एक दशकमा लेखिएका नयाँ कविताको संग्रहका रूपमा आएको उनको भनाइ छ । शिखा बुक्सबाट प्रकाशित पुस्तक मोटो गाता र पातलो गातामा उपलब्ध छ।
यहाँ प्रकाशित समाचारमा तपाईंको सुझाव वा प्रतिक्रिया भए हामीलाई [email protected] मा इमेल गर्न सक्नुहुनेछ । आफ्नो विचार वा विश्लेषण सहितका सृजनात्मक लेख/रचना, पाठकपत्र पनि माथि उल्लेखित इमेलमा पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
