मंसिर १८, काठमाडौं। संस्कृति, पर्यटन तथा नागरिक उड्डयन मन्त्री बद्री प्रसाद पाण्डेले गणतन्त्र कोरियाको राष्ट्रिय सभाका संस्कृति, खेलकुद तथा पर्यटन समितिका सभापति महामहिम जन जे-सू सँग भेट गर्नु भएको छ । भेटमा नेपाल र कोरियाबीच नेपाल एयरलाइन्सको सिधा उडान सुचारू गर्ने बिषयमा छ्लफल भएको थियो । नेपाल एयरलाइन्सको सिधा उडान नहुदा कोरियामा काम गर्न जाने श्रमिकहरु मर्कामा परेको बारे जानकारी गराईएको थियो । भेटमा मन्त्री पाण्डेले यस वर्ष नेपाल र गणतन्त्र कोरियाबीचको कूटनीतिक सम्बन्ध स्थापना भएको ५०औँ वार्षिकोत्सव परेको र दुई देशबीचको यस मैत्रीपूर्ण सम्बन्धलाई थप प्रवर्द्धन गर्न तत्पर रहेको समेत बताउनु भएको थियो । यस्तै कोरियन कम्पनी सामसुङ (Samsung) र हुन्डाइ (Hyundai) ले नेपालमा लगानी गरेर Made-in-Nepal टेलिभिजन सेट उत्पादन गर्न सुरुवात गरेको र गाडी उत्पादन गर्न लागेकोमा खुशी व्यक्त गर्नु भएको थियो । कोरियाली प्रतिनिधिहरुले कोरियामा रहेका नेपालीहरुका विषयमा देखिएका समस्या संसदमा उठाउने प्रतिबद्धता व्यक्त गर्नु भएको थियो।
यहाँ प्रकाशित समाचारमा तपाईंको सुझाव वा प्रतिक्रिया भए हामीलाई [email protected] मा इमेल गर्न सक्नुहुनेछ । आफ्नो विचार वा विश्लेषण सहितका सृजनात्मक लेख/रचना, पाठकपत्र पनि माथि उल्लेखित इमेलमा पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
