पुष २३, काठमाडौं । राष्ट्रिय भूकम्प मापन केन्द्रले मंगलबार बिहान चीन केन्द्रबिन्दु भएर ७ म्याग्निच्युडको शक्तिशाली भूकम्प गएको पुष्टि गरेको हो। बिहान ६ बजेर ५० मिनेटमा भूकम्प गएको विभागले जनाएको छ । त्यसले नेपालका प्राय: ठाउँमा धक्का दिएको छ । तिब्बत क्षेत्रका साथै नेपालको पूर्वदेखि मध्य क्षेत्रमा ठूलो धक्का दिएको हो ।
आज बिहान नेपालमा महसुस गरिएको शक्तिशाली भूकम्पको केन्द्र चीनको दिङ्ग्येमा रहेको पनि राष्ट्रिय भूकम्प मापन केन्द्रले पुष्टी गरेको छ ।
भूकम्पका कारण क्षति कति भयो भन्ने विवरण भने आउन बाँकी छ । भूकम्पले काठमाडौंसहित रसुवा, मकवानपुर, काभ्रे, धादिङ लगायत आसपासका जिल्लाहरुमा धक्का महसुस भएको थियो । ठूलो भूकम्प गएपछि पराकम्पहरु आउसक्ने भएकाले सतर्क रहनुपर्ने विज्ञहरु बताउँछन् । भूकम्पको केन्द्रविन्दु र नेपालको दूरी ९० किलोमिटर रहेको बताइएको छ । भूकम्पको क्षतिको विवरण भने आइसकेको छैन ।भूकम्प गएको केही समयपछि नै अमेरिकी भौगर्भिक निकाय यूएसजीएसले भने उक्त भूकम्प ७.१ म्याग्निट्यूडको भएको उल्लेख गरेको छ।
यहाँ प्रकाशित समाचारमा तपाईंको सुझाव वा प्रतिक्रिया भए हामीलाई [email protected] मा इमेल गर्न सक्नुहुनेछ । आफ्नो विचार वा विश्लेषण सहितका सृजनात्मक लेख/रचना, पाठकपत्र पनि माथि उल्लेखित इमेलमा पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
